Қазақша Русский
Шымкент қаласының білім бөлімінің
Ресми сайты
Шымкентте білім қызметкерлері арасындағы дәстүрлі қалалық спартакиадасы басталды

Шымкентте білім қызметкерлері арасындағы дәстүрлі қалалық спартакиадасы басталды.

Ұйымдастырылған сайысқа Шымкент қалалық білім бөліміне қарасты жүз жиырма бес мектептің командаларынан құралған 3000-ға жуық білім қызметкерлері өзара бақ сынайды.

Спартакиада 3 кезеңнен тұрады. Бірінші кезең әр ауданның бөліктік мектептерінде спорттың 6 (волейбол, кіші футбол, үстел теннисі, шахмат, нысана көздеу, кір тасын көтеру) түрінен өтеді. Алғашқы кезеңде спорттың әр түрі бойынша бірінші орын алған командалар жарыстың екінші кезеңі-аудандық жарысқа жолдама алады.

Аудандық жарыста 1-2 орын алған командалар үшінші кезеңге- қалалық ақтық ойындарда өзара сынасады.Кір тасын көтеру жарыстың үшінші кезеңінде №90 жалпы орта мектебінде өтеді.

Атап өту керек, спартакиаданың жабылу салтанаты 1 сәуір күні сағат 15-00 Шымкент қалалық білім бөліміне қарасты №90 жалпы орта мектебінде өткізілетін болады.

Заманауи бiлiм технологияларын тиiмдi қолдану – оқушылардың сауаттылығын арттырудың кепiлi

Бүгін ағымдағы жылдың 28 наурыз күні Шымкент қалалық білім бөліміне қарасты О.Жандосов атындағы №30 жалпы орта мектеп базасында "Заманауи бiлiм технологияларын тиiмдi қолдану – оқушылардың сауаттылығын арттырудың кепiлi" тақырыбында үйлестiрушiлерге арналған практикалық семинар өткізілді.

Шымкент қаласының білім бөлімі басшысының орынбасары Нурмухаммед Маратович Досыбаев бөлім қызметкерлері алдында салтанатты түрде ант қабылдады

«Қазақстан Республикасының мемлекеттік қызметі туралы» Заңын жүзеге асыру мақсатында Қазақстан Республикасы Президентінің 29 желтоқсан 2015 жылғы «Мемлекеттік қызмет өткерудің кейбір мәселелері туралы» №152 Жарлығына сәйкес Шымкент қаласының білім бөлімі басшысының орынбасары Нурмухаммед Маратович Досыбаев 2017 жылдың наурыз айының 27-і күні бөлім қызметкерлері алдында салтанатты түрде ант қабылдады. Ант қабылдау рәсімі хаттамаланып, нәтижесі Н.М.Досыбаевтың қызметтік тізіміне ендірілді.

Шымкент қаласында ең таңдаулы тәрбиеші анықталды

Ағымдағы жылдың 25 наурыз күні Шымкент қалалық білім бөлімінің ұйымдастыруыменен қалалық "Мектепке дейінгі ұйымның таңдаулы тәрбиешісі-2017" атты байқауы өткізілді.

Іс-шара Қазақстан Республикасында білім беруді және ғылымды дамытудың 2016-2019 жылдарға арналған мемлекеттік бағдарламасын іске асыруда мектепке дейінгі ұйымдардың педагог кадрларының сапалық құрамын жақсарту, адами капиталды дамыту аясында өткізілді.

Байқауға білім бөліміне қарасты мектепке дейінгі мекемелерден 30 сұраныс қабылданып, іріктеуден өткен 10 балабақша тәрбиешілері өзара бақ сынады.

Байқаудын нәтижесіне келер болсақ: Гран при — № 25"Қарақат"бөбекжай- балабақшасының тәрбиешісі Шолатова Айжан ие болды. I -орын — №65"Балбұлақ" бөбекжай-балабақшасының тәрбиешісі Əбу Балзия жеңіп алса, II -орын — №70"Шолпан" бөбекжай-балабақшасының тәрбиешісі Кошербаева Дина мен "Ақбидай"балабақшасының тәрбиешісі Баймуратова Жұлдыз иеленді. III -орын — №50"Нұрбөбек" балабақшасының тәрбиешісі Игамназарова Юлдуз және "Айналайын" жекеменшік балабақшасы тәрбиешісі Абдулина Динара ие болды.

Атап өту керек,бас жүлде алған тәрбиеші ОҚО байқауына қатысатын болады.

Бақ берекелі, құт мереклі Әз Наурыз

Шымкент қалалық білім бөліміне қарасты Т.Тәжібаев атындағы №47 мектеп-гимназиясында 5-7 сыныптарда "Бақ берекелі, құт мереклі Әз Наурыз" іс шарасы өтті. Ұлттық салт-дәстүрімізді дәріптейтін көріністер, би, әндер айтылды.