Қазақша Русский
Шымкент қаласының білім бөлімінің
Ресми сайты
2017-2018 жаңа оқу жылына балалары 1-сыныпқа баратын ата-аналардың назарына! 6-7 жасқа толған балаларды Шымкент қаласының бастауыш білім беретін мекемелеріне қабылдау School.shymkent.edu.kz портал арқылы электронды форматта жүргізіледі.
Яндекс.Метрика
     
Жаңартылған білім беру мазмұны: мәселелері мен перспективалары
Фото Шымкента Қалалық Білім Бөлімі.

КРИТЕРИАЛДЫ БАҒАЛАУ ДЕГЕНІМІЗ НЕ? Критериалды бағалау – оқушының оқу жетістігін бағалау. Бұл бүгінгі оқыту жүйесінде өзекті талаптардың бірі. Осы орайда, Циолковский атындағы №84 жалпы орта мектебінің ұжымы «Жаңартылған білім беру мазмұны: мәселелері мен перспективалары» тақырыбында керемет семинар өткізді. Оқушы мүмкіндігін арттыруға жол ашатын мұндай семинарлар мұғалімдердің де кәсіби шеберліктерін жетілдіре түспек.

МЕКТЕП ОҚУШЫЛАРЫ ШЕТЕЛДІҢ ОЗЫҚ ОҚУ ОРЫНДАРЫМЕН ТАНЫСТЫ!
Фото Шымкента Қалалық Білім Бөлімі.

Ы.Алтынсарин атындағы №65 мектеп-гимназиясында АҚШ-ның Калифорния, Вирджиния, Огайо, Филадельфия, Орегон, Лос Анжелес сынды штаттардан және Болгариядан 17 университеттің өкілдері келіп, өздерінің жоғарғы оқу орындарын жарнамалап, оқушылармен сұхбаттасты. Оқушылар өздерінің келешекте таңдаған мамандықтары туралы мәліметттер алды.

«Шәкіртсіз ұстаз – тұл!»
Фото Шымкента Қалалық Білім Бөлімі.

Дәл осындай ұранмен №83 жалпы орта мектебінде «Екі жұлдыз-2017» сайысы өткізілді. Шара барысында қатысушылар ұлттық әдет-ғұрып пен салт-дәстүрімізді дәріптеу мақсатында сұрақ-жауап кезеңінен өтіп, ән шырқап, би билеп өз өнерлерін паш етті. Мұндағы негізгі тоқтам – құқықбұзушылықтың алдын алу, жасөспірімдердің бос уақытын тиімді пайдалана отырып, ұстаз бен шәкірттің арасындағы байланысты нығайту.

Азаматтық қорғаныс іс-шаралары бойынша IV тоқсанда жоспарланған сейсмикалық оқу жаттығулар өткізілді

    2017 жылдың 6 қазан күні Шымкент қаласы әкімдігінің білім, дене шынықтыру және спорт бөлімдері тарапынан Шымкент қаласының Төтенше жағдайлар басқармасы, Шымкент қалалық жедел медициналық көмек көрсету станциясы, Шымкент қаласының Өрт сөндіру және авариялық-құтқару жұмыстары қызметтерімен бірлескен түрде Азаматтық қорғаныс     іс-шаралары бойынша IV тоқсанда жоспарланған сейсмикалық оқу жаттығулар өткізілді.

   Аталған іс-шара төтенше жағдайлар орын алған кезде қызметкерлердің өмір қауіпсіздігін сақтау, жедел құтқару және басқа да кезек күттірмейтін жұмыстарды жүргізуге бағытталған.

[metaslider id=7265]

 
«Мектеп қыздар футбол лигасының» ашылуы өтті

2017 жылғы 4 қазан күні Шымкент қаласындағы Жоғарғы шеберлік спорт мектебінің (ШВСМ) спорт залында Оңтүстік Қазақстан облыстық білім басқармасы «облыстық әдістемелік кабинетінің», «Мектеп қыздар футбол лигасы» мен  қалалық білім бөлімінің бірлескен жоспарына сәйкес, мектеп оқушылары арасындағы «Мектеп қыздар футбол лигасының» ашылу салтанаты өтті.

Аталған іс-шараға Қазақстан футбол федерациясының бұқаралық әйелдер футболы мен футзал департаментінің директорының орынбасары Дюзельбеков Берік Балқыбекұлы, облыстық денешынықтыру және спорт басқармасы басшысының орынбасары Бердашев Айтмаханбетәлі Ильясұлы, білім басқармасының бас маманы Араб Қайрат, облыстық әдістемелік кабинетінің мамандары және қалалық, аудандық білім бөлімінің денешынықтыру және АӘД пәнінің әдіскерлері қатысты.

Жалпы, «Мектеп қыздар футбол лигасының» ойындарына Шымкент қаласының мектептерінен 64 команда (1200-ден астам қыздар) және аудандық білім бөлімдерінің командалары қатысады. Лига ойындарының алғашқы кезеңі  қазан-желтоқсан айларында өткізіліп, жеңіске жеткен командалар аудан командаларымен бірлесіп, сәуір айында облыстың жеңімпаз командаларын анықтайды.

[metaslider id=7246]