Қазақша Русский
Шымкент қаласының білім бөлімінің
Ресми сайты
2017-2018 жаңа оқу жылына балалары 1-сыныпқа баратын ата-аналардың назарына! 6-7 жасқа толған балаларды Шымкент қаласының бастауыш білім беретін мекемелеріне қабылдау School.shymkent.edu.kz портал арқылы электронды форматта жүргізіледі.
Яндекс.Метрика
«Рухани Жаңғыру» #02

Н.Ә Назарбаев «Адам баласының бүкіл ғұмырындағы ең сенімді және ең сабырлы серігі – кітап» деген. Себебі, кітап адамның рухани дүниесін байытатын сөздік қоры мен ойлау дағдыларын қалыптастыратын адамның жан дүниесінің серігі. Осы орайда, №129 жалпы орта мектебі Ш.Қалдаяқов атындағы облыстық филармония ұжымымен бірлесіп, Елбасының «Болашаққа бағдар: Рухани жаңғыру» атты мақаласы аясында «100 ән 100 кітап» жобасына арналған іс-шара ұйымдастырды.
Мұндағы негізгі мақсат – шәкірттерді кітап пен көркем әдебиетті оқуға баулу. Сондай-ақ, оқушыларды «Жақсыдан – үйренуге, жаманнан – жиренуге» шақыру.

ШЫМКЕНТТІК ШӘКІРТТЕР ШАXМАТТАН СЫНҒА ТҮСТІ

Шахмат ойынын ұйымдастыру арқылы жасөспірімдердің бос уақытын тиімді пайдалану, дарынды жеке тұлғаны жетілдіру, сондай-ақ, аула клубтарының оқу-тәрбие жұмысының сапасын жақсарту мақсатында Шымкент қаласында «Жас шахматшылар» — турнирі өткізілді. Сайысқа 7 мен 14 жас аралығындағы 200-ге жуық оқушы қатысты.
Нәтижесінде, 84 жеткіншек сайыстың 2-ші турына жолдама алды. Сондай-ақ, айтулы шаxмат сайысына алдағы уақытта ұрпақтар сабақтастығын сақтау және қоғамдық жақсы қарым-қатынас орнату үшін жеткіншектермен қатар, ардагерлер де қатысатын болады!

ЖАСӨСПІРІМДЕР АРАСЫНДАҒЫ ҚЫЛМЫСТЫҢ АЛДЫН АЛУ МЕН ҚҰҚЫҚТЫҚ МӘДЕНИЕТТІ ҚАЛЫПТАСТЫРУ

Дәл осындай тақырыппен Циолковский атындағы №84 жалпы орта мектебінде тәрбиелік мәні бар семинар ұйымдастырылды. Жаңа форматтағы тәрбие сағаттары өткізіліп, мұғалімдер өз кәсіби шеберліктерін арттырды. Ал, психолог мамандар оқушыларға қылмыстық істердің адам өміріне тигізер зардаптары туралы түсіндірме жұмыстарын жүргізді.

Футбол ойынынан Т.Тəжібаев атындағы № 47 мектеп гимназиясы бірінші орынды иеленді

Фото Шымкента Қалалық Білім Бөлімі.

Футбол ойынынан Шымкент қаласы мектеп оқушылары арасындағы спартакиадасында өткен жарыста Т.Тəжібаев атындағы нөмірі 47-ші мектеп гимназиясы БІРІНШІ орынды иеленді. МАРАПАТ ҚҰТТЫ БОЛСЫН!

«Лайықты ұрпақ тəрбиелейік» атты дөңгелек үстел өткізілді

«Рухани жаңғыру» мемлекеттік бағдарламасы аясында нөмірі 60-шы жалпы орта мектебінде «Лайықты ұрпақ тəрбиелейік» атты дөңгелек үстел өткізілді. Тəрбиелік мəні зор шараны ұйымдастыруға Абай аудандық əкімдігі мен Абай аудандық ІІБ-нің мамандары жəне аймақтық мешіт өкілдері атсалысты.

 

 

МЕКТЕП ОҚУШЫЛАРЫ ШЕТЕЛДІҢ ОЗЫҚ ОҚУ ОРЫНДАРЫМЕН ТАНЫСТЫ!

Фото Шымкента Қалалық Білім Бөлімі.

Ы.Алтынсарин атындағы №65 мектеп-гимназиясында АҚШ-ның Калифорния, Вирджиния, Огайо, Филадельфия, Орегон, Лос Анжелес сынды штаттардан және Болгариядан 17 университеттің өкілдері келіп, өздерінің жоғарғы оқу орындарын жарнамалап, оқушылармен сұхбаттасты. Оқушылар өздерінің келешекте таңдаған мамандықтары туралы мәліметттер алды.

«Шәкіртсіз ұстаз – тұл!»

Фото Шымкента Қалалық Білім Бөлімі.

Дәл осындай ұранмен №83 жалпы орта мектебінде «Екі жұлдыз-2017» сайысы өткізілді. Шара барысында қатысушылар ұлттық әдет-ғұрып пен салт-дәстүрімізді дәріптеу мақсатында сұрақ-жауап кезеңінен өтіп, ән шырқап, би билеп өз өнерлерін паш етті. Мұндағы негізгі тоқтам – құқықбұзушылықтың алдын алу, жасөспірімдердің бос уақытын тиімді пайдалана отырып, ұстаз бен шәкірттің арасындағы байланысты нығайту.

Шымкенттік мектеп ұжымдары отбасыңызды сүюге шақырады!

Отбасы күні қарсаңында Шымкент қаласының Ақпан батыр атындағы № 10 жалпы орта мектебінде «Отбасы – бақыт мекені» атты іс-шара ұйымдастырылды. Мұндағы мақсат – отбасы құндылықтарын дәріптеу, ата-ана мен баланың арасындағы қатынасты тәрбиелеу, оқушылардың бойына жанұяға деген сүйіспеншілікті арттыру.
Айтулы жиынға Шымкент қалалық білім бөлімінің бас маманы Жанат Бекетқызы Алтаева, мектеп әкімшілігі, оқушылар, ата-аналар қатысты. Шара барысында сөз сөйлеген ҚББ бас маманы Жанат Бекетқызы Алтаева мен аталмыш мектеп директоры Айгүл Есжанқызы Байбосынова жиынға қатысушыларды «Отбасы күні» мерекесімен тағы да құттықтап, жылы лебіздерін білдірді.
Іс-шарада «Менің Отбасым» атты бейнетаспа көпшіліктің назарына ұсынылып, «Отбасы деген не?» тақырыбында пікір-талас жүргізілді. Семинар әрі қарай коучингпен жалғасты. Мектептің жоғары сынып оқушылары «Отбасы құндылықтары» тақырыбында постер жасап, қорғады. Мұнда оқушылар өз көзқарастарын ашық айтып, ойларын жеткізуге мүмкіндік алды. Сонымен қатар, оқушылар отбасы тақырыбына арналған өлеңдер оқып, сахналық қойылымдар көрсетіп, өнерпаз балалар өнерімен көрермендерді тәнті етті. Шара мерекелік концертпен аяқталды.

 

Шымкенттік оқушылар робот құрастыруды қолға алды

Шымкентте 7 жаңа мектеп пайдалануға берiлдi

Шымкенттiк оқушылар жаңа оқу жылын зор қуанышпен қарсы алды. Бүгін қалада 7 жаңа мектеп пайдалануға берiлдi. Бес білім ошағы «Нұрлы жол» бағдарламасы аясында салынған. Олар: — «Сəуле» шағынауданындағы N129 орта мектеп (1200 орынды); — Қайнарбұлақ елдімекеніндегі N125 орта мектеп (1200 орынды); — Жаңаталап елдімекеніндегі N128 орта мектеп (600 орынды); — «Достық» шағынауданындағы N69 орта мектеп (1200 орынды); — «Ақжайық» шағынауданындағы N59 орта мектеп (600 орынды).



    Жалпы, 2017-2018 оқу жылында Шымкентте 132 мектеп, 88 балабақша жəне мектептен тыс 8 мекеме жұмыс істейді. Жаңа мектептер мен қосымша ғимараттардан бөлек, биыл қала бюджетінің қаржысына 118 мектеп жөндеуден өттi. Оған қоса 10 000 оқу партасы, 1000 тақта, 382 кітап шкафы сатып алынған. Мектептердің аумағын қоршау, жаңа спорт алаңшаларын салу мəселесі де шешiмiн тапқан. Қазiр 19 мектепте спорт алаңшаларының құрылысы жүргiзiлуде. Олар қыркүйек айында толық пайдалануға беріледi.

      Биыл шаһардағы 64 мектепте робототехника үйірмелері жұмысын бастайды (19 үйірме — облыс бюджетінен, 45 үйірме — қала бюджетінің қаржысынан қарастырылған). Қалада жаңа мектептердiң құрылысы, жөндеу жұмыстарының барысы қала әкiмi Ғ. Әбдірахымовтың тікелей назарында болды. Есептi кездесулерде тұрғындар тарапынан осы спорт алаңшаларын салуға көптеген ұсыныс түсiп едi. Мiне, уақыт сәтiмен бұл мәселе де шешiлдi.

Ақпарат   Шымкент   қаласы  әкімдігінің  баспасөз қызметінен  алынды.